方中信被問舊愛陳淑蘭自爆掌摑過莫可欣　竟說曾被對方打到入醫院

陳淑蘭（蘭子）上月現身伍仲衡與周國豐的直播節目，其間亦有提到她的舊愛方中信，當時有指是莫可欣介入二人感情，令蘭子與方中信四年情斷，更有傳她曾怒摑莫可欣，直播中有觀眾重提此事，伍仲衡問：「有人話你摑過人一巴喎，係咩事呢？」蘭子直認不諱：「唔止一巴，講完就算喇，但我至少答咗啦，係咪？」周國豐想知道詳情，蘭子就表示：「我好嬲係嬲個男人，嬲個男人呃我。」

而莫可欣早前出席活動，被問起此事時，未有直接回應是否曾遭蘭子掌摑，她說：「咁多年前嘅嘢，係咪先，我諗大家都生活咗咁多年，好多嘢，唔係所有嘢你都會記得啦，又唔係咩特別嘅事，無所謂啦，點樣講都。開心就算啦，其實呢個世界有好多人都發生不幸嘅事，點都好，都好多年過咗喇，都唔想再講喇。」

昨晚（21日）就輪到男事主方中信現身，他出席《金手指》首映時也被問到掌摑事件，不過就以講笑口吻回應，自嘲「仲打埋我㖭！」笑稱被打到住院兩星期，不過其後就「兜」返叫大家不要人講乜就信，明白娛樂新聞是要Juicy有娛樂性，但無論事情孰真孰假，他仍祝福蘭子找到好歸宿並且身體健康。