安心事件｜黃心穎首開腔談感受 網民插假惺惺 泥鯭：唔好人身攻擊

Rubberband今日（14/12）現身銅鑼灣出席利園區希慎廣場升級開幕派對。對於愛妻黃心穎終於首度開腔談及「安心事件」，並聲淚俱下剖白過去4年來的心路歷程，透露曾經想過自殺，獲得不少網民同情，但亦有網民留言鬧爆她假惺惺，還欠鄭秀文一句道歉說話。

泥鯭接受《香港01》訪問時表示：「我好相信，所有好嘅鼓勵說話都係好嘅，而我哋Rubberband都好想聽好嘅鼓勵嘅說話。但與此同時，我哋都聽到好多haters或者聽到唔鍾意我哋嘅說話，咁但係我就覺得冇乜所謂，言論自由呢樣嘢先至覺得緊要，冇底線嘅言論自由，我係覺得好嘅，但就要注意唔好太過人身攻擊就得，包括我哋Rubberband，又或者邊個都好。（心穎而家係咪唔睇負評？）我諗我唔能夠代我屋企人去代答，就好似我而做網民，基本上都唔會去講嘢，咁所以希望所有人慎言。（你同心穎譽人一種正能量，會否覺得鬆咗一口氣？）其實又冇話鬆唔鬆一口氣，其實所有人都會有唔同人生嘅階段，我諗唔同嘅階段，你會有唔同嘅心情，我諗我而家嘅心情係非常之好。」