成龍做香港航空代言人宣傳片遭隱藏　大哥賣廣告真係有魔咒？　

近排成龍獲香港航空公司邀請擔任作其公司的宣傳大使，宣傳一條新開來往香港與溫哥華的航線，成龍將會係第一位乘客，而且其荷里活動作喜劇《火拼時速》（Rush Hour）的拍檔基斯德加（Chris Tucker）都會一齊宣傳，認真夠晒星味！香港航空公司發言人表示十分高興可以與成龍合作，因為他是北美客人的信任人物，可以為其公司吸引更多歐美顧客。

不過成龍條宣傳片已經在香港航空的FB專頁上被隱藏（不過有link依然有得睇： http://bit.ly/2sobZ0N）。鬼咩，因為好多人喺FB度留言話香港航空搵錯代言人，睇嚟都有唔少怨氣，點解會有咁多人憎成龍大哥呢？睇返網民統計出來的數據，原來成龍為中國品牌做代言人其實並不是想像中那麼好，而且有不少例子是出現負面影響。當年小霸王學習機在中國暢銷，雖然有抄襲任天堂之嫌，不過當時知識版權並未普及，所以都無乜所謂。而成龍就成為了他們的代言人，結果公司在2004倒閉。90年代的時候，愛多VCD老板睇中成龍人氣，以450萬高價請得成龍做代言人，令其品牌當時暢銷一時，但過了不久並因為經營不善，多方面欠債，老板則成為階下囚。又係90年代，成龍幫汾煌可樂拍廣告，可惜短短幾年就已經半停產，之後漸漸消失。

成龍最出名的廣告就係霸王洗頭水，不過當年都曾經出現負面新聞而令到股價大跌，雖然最後成功澄清，但聲譽已經受損。講起股價，一間流動網絡商網秦的老闆，曾經講過：「網秦要保護成龍，大家一起做成龍的保鏢」，結果第二日一開市股價就暴跌60%，雖然未必同成龍有直接關係，不過成龍魔做代言人的威力的確不可睇少。成龍曾經為中國Volkswagen開迪做代言人，結果全年在中國只銷售900架，現在亦已經在中國停產。

格力空調曾經在中國得到連續十年全國銷售冠軍，代言人又是成龍，結果之後出現一連串負面新聞，地位被動搖，結果要令到其老總以及現今為首富的王健林一齊拍廣告挽救聲譽。食物品牌成龍大哥都有涉獵，佢曾經為思念食品做代言人，點知在2011年思念水餃就被檢出有菌，要全中國緊急下架。還有身為中國禁毒宣傳形象大使的成龍，兒子房祖明卻因為在中國吸毒而被捕。

睇返咁多品牌都發生有大有小的事件，今次香港航空作為航空公司，成龍作為代言人真的很令人擔心。隱藏條link，都可以理解。