【歷史回顧】紅館開館34年意外十幾次　劉華演唱會最悲情試過死人

今日林敏驄在紅館演唱會綵排期間因為油壓台墮下，初步消息指多人受傷，據悉傷者包括3男6女舞蹈員，9人由台上墮下，草蜢成員蔡一智撞到臀部。不過事情未算太嚴重，演唱會暫時都會如期舉行。其實紅館自83年啟用以來，過去三十幾年都發生過大大小小的意外，其中甚至死過人，令人悲嘆。

在2003年，林子祥在紅館為汪明荃個唱擔任表演嘉賓時，當年因為舞台中間的圓形升降台出現問題令其提早降落，搞到突然多咗個洞，呀Lam不覺意下跌進8呎高的台底受傷，而且一度昏迷送院。他曾經在報導中說過這是他最難忘的一次經歷，都而家都不敢回想，而且令到其中一邊的耳朵出了問題，聽力受損。

雖然身為舞台王者，不過郭富城都曾經在紅館出事。在2012年的第17場的舞臨盛宴演唱會，呢個出晒名多機關嘅舞台就咁睇都已經好危險，點知真係出事！城城企緊嘅升降台的鋼絲突然之間斷裂，急墜了3米，城城跌到四腳朝天。不過佢好快就企返起身繼續跳舞，真係十分有舞台王者的風範。其實之後2013年城城都曾經喺演唱會綵排時因為吊臂台突然倒塌而發生意外，不過當時並無受傷，睇嚟紅館對城城都幾唔老黎。

以下講嘅可能係香港演唱會最悲情的一件事，1993年劉德華演唱會中，為了增加現場氣氛，所以大會在會場上空放落咗好多氣球。當時十分多觀眾衝去搶返一兩個做紀念品，有一名男歌迷也跟著人群衝去，但他卻失足跌落樓梯，而且之後搶救無效，不幸逝世。雖然演唱會沒有因此取消，但華仔事後非常自責，而且十分小心演唱會上的人，曾經試過救保安，亦試過個唱上勇救上來送花而被保安圍攻的歌迷，自此他的演唱會也加了圍欄。

2007年成都演唱會上，華仔勇救被保安拉走的歌迷。

除了本地歌手之外，外地歌手都曾經在紅館出事。當年台灣人氣組合飛輪海，在2009年來紅館開演唱會，其中吳尊用單手吊「威吔」入場的時候，因為衝力太大而中途跌在舞台上。之後全程演唱會都一拐一拐，事後發現原來係骨裂。同場的汪東城都唔好得幾多，當他在台邊諗住跨過欄杆時，用力過大而令到欄杆變形，搞到爭啲跌落台，場面十分驚險。

其實仲有啲小意外，例如2009年古巨基在紅館演唱會時因為其聲控衣冒煙爭啲自焚。08年葛民輝在林海峰演唱會做嘉賓時，因為心臟不適暈倒，要即刻叫白車送院，好彩之後無事。近期啲15年，容祖兒李克勤演唱會上，又係因為升降台無喇喇下降，搞到克勤爭啲又跌咗落去。