前亞視港男「震波黎明」陳錫文雄風不再　身材縮晒水：而家冇啦

前亞視港男參賽者有「震波黎明」之稱的陳錫文，當年憑酷似黎明的樣貌及震波技倆而一舉成名。今晚（23/11）他現身深水埗出席其有份主演的電影首映禮，接受《香港01》訪問時透露：「其實今次拍電影都好開心，因為之前做緊消防員嘅時候，始終都唔方便，但兩年前退休之後，變咗我而家就還咗25年前嘅心願。」

被問到有否片酬？陳錫文表示：「其實今次我係用學習嘅形式嚟做，反而我係要交學費。喺成個人生裡面有啲嘢完咗之後，我都想去學吓演藝啲嘢，變咗基本上係義務性質。（會唔會拍色情三級片？）我幾廿歲就唔會諗呢啲嘢。（你而家都仲識震波？）其實娛樂大家，大家笑吓都OK嘅。（繪麗奈邀你拍戲，拍唔拍？）都唔會，始終都做咗咁耐嘅一份消防員嘅工作，都唔應該破壞個形象。（係咪仲Keep住健身？）都間唔中做吓運動。（出嚟拍戲太太有冇唔鍾意？）正常嘅參與就冇問題。（太太有冇落指令唔好再震波？）咁佢又冇提呢啲嘢喎，不過佢身邊嘅朋友好奇都會問吓。（係咪而家收埋喺房度震？）而家冇啦，因為瘦咗啦，哈哈！」