《造星V 》KC（黃家灝）同希晉今午（16日）出席時裝品牌活動。二人接受訪問時，提到早前與Tsoul、Kim、亨仔去沖繩拍綜藝節目，除享受陽光與海灘外，亦食過不停，而亨仔亦不負眾望增磅而歸。不過飲飲食食之餘，佢哋亦要出海捕魚，而KC仲喺觀眾嘅指令下，穿上金光閃閃嘅衣服喺大街上與路人進行任務，其他人則留在車上食花生。

另外，提到女友楊安妮 (Win Win）因患先天肺動靜脈瘤，將要接受手術，KC表示Win Win曾入院接受治療，但情況有變，故需要以手術根治。「都擔心，但因為我自己都有肺嘅問題，上年做過兩三次手術，有少少慣咗，所以平常心面對。佢係血管形狀唔啱會令啲血噴出嚟，所以要搞搞。」Win Win 即將接受手術，KC表示會陪伴在則，但他亦要為許廷鏗個唱排舞，問到點分手，他笑言：「路還要繼續走，佢都好想出騷，希望佢到時狀態係可以，目前排舞就我同其他人處理住先。（預計要休養幾耐？）短則一個月，長則半年。佢會緊張，唔知一瞓著會發生咩事，所以我呢排都多咗時間陪佢。」