劉鑾雄記者會丨傳將身家留給兒子劉鳴煒甘比被踢出局：點解咁講呀
大劉劉鑾雄於今日（10/11）突然宣布召開記者會，原來是就近日內地瘋傳的不實文章作出回應。有指稱劉鑾雄出現「遺囑風波」，財產分配出現變化，以及涉及當年華人置業投資中國恒大債券後出現虧損後的影響。劉鑾雄在會上就五大傳聞作出回應。
大劉劉鑾雄就分身家傳聞解畫：「又話全部財產轉畀個仔，甘比踢出局，點解要咁講呀，自己開心囉，講就有人信，有一個重申，阿陳凱韻我老婆從來無同我蝕過錢，睇過金融投資，佢藝術賺到錢。點解叫我唔好理，今次開記者招待會影到某個仔同女，我都無辦法，即係如果要入屋殺我屋企人，我跛咗癱癱咗，我都垂死掙扎，垂死嘅反抗啦！」
劉鑾雄又指：「（啲傳聞）係好嚴重失實，聽聞佢請咗網上打手，請咗以前《忽然一周》總編輯帶呢隊人，專係負責做呢啲嘢。講到佢幫我損失百幾億，又話個仔乜乜，仲話我就嚟死。我早幾日約朋友食飯，話出面傳我身體好差就嚟死，你睇我而家個似唔似就嚟死？可能畀人激死就有，但我自己身體係冇嘢。如果我再唔出嚟，可能傳我死咗。」
劉鑾雄隨後再提起「賤人」這個的事跡：「呢個賤人最近去新加玻，冇人識佢㗎，自己招搖撞騙，人哋見到佢都驚咗佢。我夠可以喺電視同拜登合照、P圖話佢企喺我隔嚟啦！以前台灣有套電影叫《養鴨人家》，你知唔知鴨同鵝分別，鴨只係做女人生意，鵝就男又做女又做。呢啲係佢嘅私生活佢嘅事，唔關我事，我點解咁講呢？你睇吓呢叠嘢，完全0.001事實都冇，夾硬作出嚟老屈，我再唔出幫即係默認。我老婆陳凱韻使乜理佢吖，佢自我陶醉之嘛，等於咁，有一日有人要殺我屋企人，唔好講我係咪跛，我係跛係殘廢啊，我都要保護屋企人！啲人造謠造到咁，傳到我就嚟死。」
他又指：「啲人話我娶咗陳凱韻，佢阿媽換咗個腎畀我，所以我要報恩娶佢做老婆，哈哈哈！呢啲真係好好笑，哈哈！我換腎都搵個後生啲吖，搵個老人家換，希望一年換一次咩。呢啲謠言全部都係呢個人作出嚟，有網絡打手。佢好精㗎，喺香港出好易俾人睇到佢出，所以喺大陸出，我check晒出嚟。我見完呢疊嘢。」
劉鑾雄續指甘比沒有為他帶來幾百億損失：「簡單講，陳凱韻從來冇幫我損失過任何錢，冇損失百幾億，佢同我賺超過200億藝術品上收入。如果有損失，都係我自己決定，完全唔關佢事。但啲人點解咁講呢？「800億落空」，呢啲好似真嘅一樣都係假嘅；仲話我將啲財產畀個仔，完全都係冇嘅。」
劉鑾雄澄清太太甘比從來沒有為公司損失200億元，「佢同我賺超過200億藝術品投資就有」。劉鑾雄又指，所有投資損失都是他自己，所有有關他投資損失的報道，都是虛構及嚴重造謠。
劉鑾雄在記者會上表示：「後悔成年前幫個賤人，當時唔想佢破產睇返轉頭，幫佢破產好過，點知佢有自己網上打手，做而家嘅嘢。」劉鑾雄解釋，呂麗君聘請前雜誌總編輯，做網絡打手。他指，甘比曾經勸阻他不要澄清，怕影響子女，但他稱「如果有人入屋殺我屋企人，我跛咗、癱咗，都要做嘢。」
大劉劉鑾雄記者會詳情？
香港01為大家準備了大劉劉鑾雄記者會文字紀錄版本，以及記者會全紀錄聲音版本大劉更多次指出後悔幫個賤人應該由佢破產，而被問到「賤人」仔女可回來住，劉鑾雄就表示...詳情請看。大劉被問及日後接班人問題時，大劉直言...詳情請看。
呂麗君有回應嗎?
而呂麗君在大劉劉鑾雄記者會後，如常更新社交平台，她在IG公布喜訊...詳情請看。