反黑2｜演員終於落實原班人馬再加TVB　「古惑仔」始祖冇份最遺憾

網劇《反黑2》終於開拍，除陳國坤、陳小春、張建聲、王合喜、彭敬慈原班人馬之外，今次仲會加入謝天華、MC Jin、陳瀅、肥媽、江嘉敏、陳山聰等人，60集總投資逾2億港元，預計12月正式開工。

對於有傳奧斯卡金像影帝羅拔迪尼路與《沉默的羔羊》主角安東尼鶴健士亦會參演，導演宋本中、監製陳國坤就話「搵佢會用晒啲製作費」，而觀眾最期待嘅「古惑」始祖張耀揚、黃秋生、鄭伊健，據悉亦鐵定無緣參演，但在第一集飾演落難大佬兼不得好死嘅大佬B（吳志雄）將會在《反黑2》中，以另一身份「回歸」。

陳瀅於《反黑2》中飾演一名日本華僑，雖然她仍未知角色嘅發展，但她已在學習日文，希望可以透過口音令角色更立體。「我同陳山聰應該最多對手戲，暫時未知有無感情線。（會唔會你自己係big boss）如果係就正啦。」劇中有唔少老戲骨，陳瀅未拍就已經擔心會被對方氣場壓倒，但她亦希望可以偷師。「同埋好重仔，今日到場先發現唔係好多女仔，太多男人真係招駕唔住。」