陳樂榣產後修身靠紮肚 過程有苦自己知：個膀胱好唔舒服
撰文：吳子生
出版：更新：
前女子組合Freeze成員陳樂榣 (Ally)早前在社交平台上載大肚照、宣布懷有天堂鳥隊長葉泓聲 (Gordon)的愛情結晶品，令外界甚為驚喜，獲得不少圈中藝人送上祝福。
今晚（8/11）Ally現身戲曲中心出席《雷雨》群星匯聚首映場。她受訪時表示：「我啱啱坐完月，而囡囡腳頭好好，有人搵我做陪月嘅代言人。因為我係剖腹產B，變咗我而家最大工程就係要修身做運動，之前我陀住阿囡，體重去到170磅，生完之後而家減到140磅，距離我目標仲有10磅。除咗做運動之外，我而家仲要搵人紮肚，每日要紮6個鐘，要連續紮十日，係紮到個膀胱好唔舒服，而我老公Gordon佢見到我拆嘅時候，佢都覺得我好辛苦好肉赤。」