「威龍潘金蓮」愈撈愈掂想搞旅行團做領隊　搵錢大計多想福田買樓

「威龍潘金蓮」梁茵（Kiko）2021年疫情期間離開無綫（TVB），外闖卻慘迫拖糧，有汗出無糧出，朋友介紹下到日本餐廳打工。疫情結束後，梁茵終回歸幕前，早前拍節目介紹名牌手袋，被網友提起做侍應往事，梁茵大方回應稱感謝老闆當日雪中送炭，又指之後有意開鋪頭做生意。

梁茵近來愈戰愈勇，搵錢計仔多多，日前她發文指：「我搞旅行團做領隊，唔知大家有冇興趣？」仲上載出多張穿緊身短裙騷美腿的照片，認真風騷。有網友表示梁茵氣質有變化，「離開咗TVB，確實少咗TVB味，但係多咗陣網紅味」。梁茵回覆留言再透露大計，「我都希望努力工作搵到錢，喺福田嗰邊置業」。