愛回家｜鄭世豪不滿被屈遲到呻做好人難 古佩玲認同做人難

在《愛回家》飾演「細龍生」的鄭世豪日前突然在社交平台貼出開工嬲爆自拍照，並寫道：「呢個世界係奇怪的，一直太好人太準時，習慣毫無怨言的我，就算今日天地間（更）要等7小時，也會俾人老屈等我的。」之後再出多個Story，大大隻字寫道：「呢份工真係愈好人 愈難撈 係時候收自己皮」

古佩玲（Kelly) 今日（7/11）現身將軍澳出席《善心滿載仁愛堂》記者會，就事件接受《香港01》訪問時說：「其實本身我喺熊家嗰邊比較多，咁所以就好少同龍家嗰邊有合作。（知唔知屈佢遲到嗰個係邊個？）咁我又真係唔知，因為前一排我係有請假。（珍姐有冇因為遲到問題訓示大家？）咁又冇，因為大家都明白開工係要盡量準時埋位，咁所以就唔需要話特別去開會講。（自己係唔係守時嘅人？）呢方面我都仍在努力中，因為呢啲嘢係唔可以講到咁盡話自己一定得，因為有時候都會有意外嘅。（邊個成日遲到？）暫時個個都好準時。（會唔會好似鄭世豪咁話，有時候做人好難？）咁我覺得做人都不嬲都好難，無論做邊一行都好，做人係好難。」