馮盈盈腰圍得21.5寸嚇驚網民 鄭衍峰：咁樣會斷喎

馮盈盈最近在個人YouTube頻道，拍新片教觀眾瘦出小蠻腰，除了推薦了瘦腰的食物外，更大方分享自己的「XS特飲」。馮盈盈還即席量度自己的腰圍只得21.5寸，隨即惹起網民的熱議：「瘦到好離譜啊，成個人扁曬」、「其實本身都已經好fit喇」、「瘦到嚇親大家！ 」

舊緋聞男友鄭衍峰今日（6/11）現身將軍澳電視城出席無綫《萬千星輝賀台慶》武術項目排練，接受《香港01》訪問時表示：「佢減到21寸腰？咁樣會斷喎！不過咁樣就冇話過唔過瘦嘅，因為每個人追求嘅嘢都唔同嘅，同埋望到咁樣係知佢好有恆心。而佢身形一向都好Fit，望到而家咁簡直係巔峰狀態，因為佢本身係營養師，咁所以佢係知自己要食咩。（使唔使盈盈提供營養餐單畀你？）唔使啦，本身我自己有好多營養餐單喺手。（你驚佢要收費？）我梗係驚佢要收我費啦，不過佢都好公開咁拍片教人，咁所以我真係有需要就會上網度睇嘅，咁所以就唔使勞煩佢老人家。」