姜濤任壓軸嘉賓自嘲老驚冇人識 疑咪咀穿崩不停掩咀傻笑場面尷尬
撰文:程美璟
出版:更新:
MIRROR成員姜濤一向人氣高企,日前他為首屆共創明「Teen」計劃畢業禮擔任壓軸嘉賓,獻唱《Master Class》及《蒙着嘴說愛你》,以一身全黑西裝上陣的他,一出場即引來全場尖叫聲不斷!不過當姜濤唱到《蒙着嘴說愛你》的尾段時,疑似出現咪咀穿崩情況,掀起網民熱議!
姜濤唱完《Master Class》後,在台上發表感言,他表示今次表演緊張過自己開演唱會,並稱入行以來首次在學生面前表演:「好驚見到你哋,因為我真係好老,我唔知呢個世代知唔知我係邊個。」但期間就上氣不接下氣,感覺吃力,之後他在介紹《蒙著嘴說愛你》時表示自己其他歌太heavy,笑言這首歌已變成了兒歌,但就認為是一首全場都會識的歌。大會隨即在大熒幕播出心心畫面,姜濤笑言︰「心心呀後面!哈哈!」之後就唱出《蒙着嘴說愛你》。
不過在唱到尾段時,大會安排了4位小朋友上台,但由於姜濤沒發現小朋友在他身邊,即時嚇到彈開,衝口而出:「你出咗嚟呀?」但仍繼續播放着有他聲音的音樂,不禁令人懷疑他是咪咀唱《蒙着嘴說愛你》,而姜濤似乎有點不知所措,只是踎低不停掩咀笑,加上4位小朋友都目無表情,場面尷尬,姜濤講道︰「你唔郁嘅!」直至音樂播完,他再跟另一位小朋友說︰「你係唔係好唔耐煩?」但4位小朋友都沒有回應,姜濤只能繼續笑不停,最後拖住小朋友離場。
+8