疑被模特兒女友黃靜藍分手？ 李日朗尊重對方決定：都搵緊答案
撰文：關穎賢
出版：更新：
藝人李日朗（Don，前名：李逸朗）今早（5日）現身出席《聯合國兒童基金會慈善跑2023》，與來自北京的小妹妹一起完成比賽，Don更大讚對方是自己的領跑員，能做運動之餘亦為慈善出一分力。
Don接受訪問時，提到模特兒女友黃靜藍早前表示已經與Don分手，但早前Don在社交媒體轉載黃靜藍的帖文，為何突然分手？Don表示會尊重對方的決定：「大家都沉澱緊，我諗每一段感情喺唔同嘅時間都係需要學習，同埋清晰自己想要啲咩，咁所以我哋都會好好地加油。」被問到是否和平分手，Don笑言：「我都未知，我自己都搵緊答案。（被通知？）都冇分被唔被通知嘅，我諗我哋都攞咗個共識嘅。」