曾志偉帶領王英偉等富商撐黎耀祥場　周中患末期腎衰竭面色一般

視帝黎耀祥主持TVB飲食節目《請客必食18道菜》尾聲邀來一班份量級人馬齊集，包括曾志偉、薛家燕、顧紀筠、李家鼎、鄭丹瑞、馬時亨、中華廚藝學院首席教導員劉惠平先生、金沙中國總裁王英偉博士，以及名廚周中同黃亞保於中華廚藝學院開餐品嚐18道菜。

當中，難得西裝骨骨現身的黃亞保接受TVB娛樂新聞台訪問時笑言：「呢套係飲嗰時先着！」而久別幕前的周中變得一頭白髮，雖然他多年前確診末期腎衰竭，需要每日「洗肚」（腹膜透析），幸好目前情況已經受到控制，雖然面色一般，但依然非常精神。馬時亨就透露目前正在減肥，但就一於食完先算，而王英偉博士就非常大氣，笑稱：「我係冇十幾道菜唔開心嗰啲嚟！」