香港人在北京｜咀陳星妤被鬧爆世紀渣男　洪永城爆拍前要做呢樣嘢

台慶劇《香港人在北京》本周來到結局篇，劇情繼續高潮迭起。阿喱（洪永城　飾）和淼淼（陳星妤飾）的關係有進一步發展，同時令他們與Funny（傅嘉莉　飾）的「愛情三角錯」亦變得更複雜。

昨晚阿喱終於發現淼淼原來是他朝思暮想的「小夢老師」，淼淼亦驚訝阿喱是一直課金給她的鐵粉，兩人情到濃時忍不住咀嘴，仍深愛阿喱的Funny目擊整個過程。洪永城和陳星妤這場咀嘴戲非常浪漫，陳星妤早前出席活動時笑言該場吻戲拍了6小時，對此洪永城受訪時解釋：「當日係拍咗6個鐘，不過錫嗰場只係佔好少部分，最終拍出嚟效果非常浪漫，大家都好滿意。」

洪永城透露拍攝親熱戲前有向太太梁諾妍備案：「佢都明白嘅，因為佢都係一名演員。」講到不少網友鬧爆「阿喱」是世紀渣男，洪永城都搞笑地鬧埋一份說：「我都覺得阿喱係一個隨波逐流嘅渣男，冇咩人生目標，我都覺得呢種男士真係唔好！演呢個角色其實都幾難處理，但都覺得幾好玩嘅。」至於阿喱最終會揀Funny還是淼淼？洪永城大賣關子：「希望阿喱嚟緊會做返一個啱嘅決定，揀啱人生伴侶係人生最重要一環！