香港人在北京｜吳若希擔正女一 老公唔敢畀意見：話我好戲佢仲驚
撰文：吳子生
出版：更新：
吳若希（Jinny)今日（31/10）現身荃灣出席無綫劇集《香港人在北京》宣傳造勢活動。提到總監製鍾澍佳向外透露搵她擔任女主角的箇中原因，指她在《旁觀者》演黐線變態角色演技出色，加上本身具備傻大姐性格，又是唱得之人，於是安排她演「鄺海倫」一角。
入行13年，首度擔正做女一的吳若希接受《香港01》訪問時表示：「其實套劇播嘅時候，我係冇畀自己好大壓力，明白到自己已經盡咗力去做。而今次呢個角色嘅性格，係有好多同自己好相似嘅地方，例如突然間嘅跳掣，又或者突然間蠢咗嗰啲，同埋同屋企人講嘢嘅時候嘅語氣聲音咁，變咗演起上嚟都會容易咗，尤其以一個老婆嘅身份去演一個老婆嘅角色，係會得心應手啲，因為我係容易當咗陳展鵬係我老公。（你老公有否讚你好戲？）佢通常都唔會講，因為如果佢講咗我好戲佢仲驚，心諗平時我老婆係咪同我做緊戲。」