「威龍潘金蓮」狂曬名牌袋唔放手　被問「唔使做侍應？」高EQ回覆

現年29歲的「威龍潘金蓮Anita」梁茵（Kiko）2021年疫情期間離開TVB，雖然之後有接到Job，但因大部分公司以疫情為由拖糧，梁茵因而在好友介紹下到日本餐廳打工。疫情結束後，梁茵回歸幕前，但仍不時被網友提起這段往事。

梁茵近日開工拍攝節目，梁茵到名牌手袋店介紹靚貨，梁茵攞住Hermès、CHANEL粉色手袋影相不肯放，看來相當鍾情這兩款手袋，不少網友都大讚梁茵揹了名牌袋後增添了高貴氣質。

然而有網友刻意刁難，問到對方而家唔使做侍應了？梁茵則大方回覆表示：「疫情嗰段時間真的感謝餐廳老闆幫忙，其實三年嘅疫情消耗咗好多人嘅儲蓄，感謝佢雪中送炭。經濟慢慢恢復，工作量開始增加，希望他日儲到錢，能夠經營一間屬於自己嘅舖頭❤️」回應大方得體之餘，看來亦想向從商之路出發。