Pet Pet搞邊科｜區子琳爆有被虐傾向被愛貓冷落毫不在乎：習慣晒
撰文：吳子生
出版：更新：
歌手區子琳（Paula）今日（11/10）帶同愛貓（Ballu）現身觀塘為港台電視節目《Pet Pet搞邊科》錄影。Paula受訪時表示：「喺3年前，我透過領養帶咗Ballu返屋，起初我去睇佢嘅時候，佢係全身都有皮膚病，睇完佢之後，我就諗自己冇乜時間，究竟適唔適合養寵物呢。呢個問題我諗咗成一個月左右，我先決定領養佢返嚟。」
提到不少自居「貓奴」的飼養者，都自覺有被虐待傾向，原因是無論怎樣呵護備至、悉心照料，「主人」都有不領情的時候。Paula表示認同：「其實我都發覺自己都有呢種被虐嘅傾向，試過佢心情唔好嘅時候去抱佢，同埋撩佢玩，佢真係唔會理你。有時候叫佢兩聲，佢都只係郁吓條尾就當應咗你機，咁所以呢啲情況我都習慣晒。」