冒險樂園銀仔掟極都砸界 林盛斌一家都玩過：真係好似倒錢落海咁
撰文：林迅景
出版：更新：
美國冒險樂園是不少人的童年回憶，當中「掟彩虹」遊戲更是其中的必玩遊戲。近日有人向海關及消委會投訴，指冒險樂園「掟彩虹」遊戲的彩虹比起代幣小，即就算用代幣放在「完美無砸界」的位置，也依然在砸界，有網民在網上熱烈討論，更有人嘲笑：「好搵過JPEX！」
林盛斌（BOB）育有三女一子，擁有6人大家庭的他當然帶過小朋友去冒險樂園。阿Bob接受《香港01》訪問時，聞言「冒險樂園掟彩虹事件」後就回應：「真係一直都冇留意，原來啲銀仔係大過個彩虹。」
阿Bob坦言自己曾帶小朋友去冒險樂園，也玩過不少次「掟彩虹」，他說：「同小朋友玩過都唔少次，睇住佢哋掉啲銀仔出去，真係好似倒錢落海咁，好間唔中先至中到細獎，有時以為自己中咗，原來又係砸界。」
一次會「唱」多少錢玩？原來多Job多瓣數的他頗為節制。他說：「$100？咁上下啦。」