汪明荃拆楊千嬅Rosewood中秋禮盒　鮑魚香檳共8件禮品阿姐超滿意

一年容易又中秋，每年中秋節網友最期待的除了食月餅外，更有一年一度汪明荃（汪阿姐）即場拆月餅禮盒環節，其中最曯目的必定是楊千嬅送的月餅禮盒，皆因2020年千嬅贈送了連鎖店傳統白蓮蓉月餅給汪阿姐，卻被斥作為樂壇天后只送普通月餅給殿堂級阿姐，而千嬅本人則享用享用Dior、Alexander McQueen以及LV等名牌月餅，被指出手太低及不懂禮數，引發公關災難。千嬅之後就急急補鑊，這兩年送給汪阿姐的中秋節禮盒都有返咁上下份量，網友才收貨。

今年汪阿姐實行「唔好俾佢停」精神，繼續拆千嬅送來的月餅禮盒。今年千嬅送了Rosewood中秋禮盒，阿姐先大讚「包裝相當之靚」，又指千嬅一家人近年長居內地，仍然心裡記掛住她，阿姐感動說：「咁遠嘅地方都掛住我，送禮物我，非常之多謝你哋！」

禮盒有香檳、海味、茶葉、鮑魚、XO醬、朱古力、蛋卷、四個月餅，總共有八件禮品，月餅盒上更有得猜燈謎，不過阿姐就猜不中，笑稱自己「才疏學淺」，十分可愛。

點擊睇今年千嬅送咗咩畀阿姐！