孫佳君認與ERROR合作好開心　透露正籌備電影︰會講母愛偉大

久未出席公開活動的孫佳君，昨晚（16日）罕有現身《東方女神2023》選美活動，現年49歲的她身材纖瘦，五官精緻，整個人狀態非常好，完全不輸時下年輕女明星。

在接受《香港01》訪問時，提到為男團ERROR拍攝MV感受如何，她就表示：「太好玩啦好開心，因為同啲後生仔一齊拍嘢，俾我諗番好似我以前啱啱入行嗰時，好開心一路喺度講笑，同埋佢哋講嘢好好笑。（椅子舞練咗好耐？）學咗一堂個半鐘，我哋排嗰時張凳好細，去到現場就好高好好難跳，我覺得係高難度。（會唔會激發到你想出番幕前拍攝？）會㗎，我而家喺度籌備緊一套電影，已經有個故事。（會想喺邊度拍？）會喺香港為主，（咩類型電影？）有啲勵志。」

孫佳君透露電影主旨是在講母愛的偉大，問到會否搵兩個囝囝參與拍攝？「我諗佢哋唔肯。」另外，孫佳君亦談到可以再參與多一些幕前工作：「我好想拍劇，可唔可以多啲人搵我拍劇，電影我都好想拍。」希望能有更多代表作。