【又出事】鄧麗欣頸椎再受傷　落場又輸波：結果係點唔重要

鄧麗欣（Stephy）早前所帶領的排球隊Loey被指輸波賴地硬，Stephy親自解畫至算係告一段落，但仍惹來網友批評佢隊波成日輸波，之不過咁，Stephy依然冇氣餒，仍然好有體育精神兼落力咁操練。

但係Stephy又出事喇！佢隊球隊Loey今日參加全港公開排球錦標賽＂乙組＂，喺富亨體育館進行，點知Stephy唔好彩，比賽前頸椎及肩胛肌突然發炎，惟有帶傷上陣。面對另一球隊TuenChing，Stephy都有落場，但很快便退場休息。Stephy說過希望球隊能夠成功護級，可惜今日再次輸波，計一計數，Loey已經打3場輸3場，睇嚟護級有困難。

Stephy今次沒有「賴地硬」，賽後在facebook寫道：「記得對上一次頸椎受傷係2010年，當時正值《No one knows》派台，那天上勁歌，台下我帶着護頸，台上咬着牙都勉強完成了！然而7年後又來一次頸椎+肩胛肌發炎，今天沒有表演換來是排球比賽，那種有心無力在排球場上真的不能硬撐，我要好好休息，希望盡快復原，下場繼續努力！」她還打上hashtag「#勝敗乃兵家常事」、「#結果係點唔重要」、「#輸左就再黎過」沒有怨天怨地。