袁潔儀當年為幫寶珮如解財困 曾一度停供樓︰急用咪俾佢先
撰文：林得懿
出版：更新：
寶珮如（Baby）於1999年遇上車禍，此次意外令她致下顎面骨盡碎，致毀容兼盤骨碎裂，後要經歷七年手術。寶珮如曾公開感謝昔日亞視嘅同事袁潔儀，對方在她最困難時，將自己一半薪金借她。
袁潔儀近日接受港台節目《安哥同學會》訪問時，舊事重提，她表示在亞視年代，見寶珮如多過見父母，二人關係如姐妹一樣。「當時供樓好吃力，我直情有一年係停供 ，唔供住，俾息。因為我供得嚟，我父母又係無得食，咁不如拎去俾佢哋、俾少少Baby，橫掂都唔夠供，急用咪俾佢先 。」
訪問中，袁潔儀亦憶述了自己三次流產嘅經歷，她表示第二次流產後才知道何謂安胎，所以第三次懷孕時，索情留在廣州，但當地嘅產檢未及香港先進，所以當驗出胎兒有唐氏綜合症時已經係3個多月嘅事，其後她選擇人工流產。「我以為手術好快，仲叫老公唔好嚟醫院，結果我痛足4、5小時，起初以為太多人做手術，後來先知因為我個胎太大，要用自然流產，即係等嘅胎水自己流出嚟。」