「跳高女神」楊文蔚養傷期間現幸福肥：重咗十磅，當畀自己放鬆

「跳高女神」楊文蔚（Cecilia）今晚（14/9）出席中環舉行的時裝著名牌品活動。提到上年6月出戰本地賽熱身時膝部因受傷退賽，在檢查後發現左膝十字韌帶（ACL）撕裂，之後在7月中接受手術後才傷勢漸漸康復。Cecilia受訪時表示現時狀況已好了不少。

楊文蔚接受《香港01》時說：「我而家好返咗好多，慢慢愈來愈好，其實我而家同普通人冇乜分別，都可以做吓運動嘅，但相反因為跳高嘅強度比較高，咁所以而家真係要慢慢練返，打返好個底先可以再跳，好怕再會整親。（休養期間變幸福肥？）咁梗係有啦，你知唔知，平時訓練真係好辛苦㗎，練完係冇得食好嘢，因為我跳高，係要控制體重，咁所以我休養呢段時間，就當畀自己放鬆，不過呢個放鬆換嚟重咗10磅，但唔緊要，我想瘦就話咁易，好快就得，就係冇得食好嘢、哈哈。」