呂頌賢為萬希泉設計陀飛輪諗到頭都爆：我係冇任何想法
撰文：吳子生
出版：更新：
呂頌賢（Jackie）今日（7/9）現身灣仔會展出席香港陀飛輪品牌萬希泉x呂頌賢「疾風陀飛輪發佈會」。萬希泉創辦人沈慧琳雖然有事務在身未能出席今次的發佈會，亦專誠拍片祝賀：「其實自己是『金庸迷』，一直非常喜歡 Jackie 飾演的令狐沖角色。有幸得到合作伙伴 Rick kwan 的針引線而認識Jackie，結果與對方一拍即合，攜手打造了這枚年輕化的疾風陀飛輪腕表，以型格的手法重新演繹傳統陀飛輪製表工藝。」
Jackie受訪時透露自己抱恙在身出席活動：「可能之前喺橫店工作期間，因為天氣太過熱，所以搞到呼吸道感染咗，仲發埋燒，好彩而家就冇乜大礙，只係仲有幾聲咳咁。不過無論點都好，能夠今日見證我嘅『BB』出世係相當開心，因為算係我一個少少嘅作品，咁但又唔係有幾咁驚天動地嘅一件事。但喺設計上都遇到好多難題，因為起初嘅時候我唔知點樣設計，同埋我冇任何想法。不過後尾我諗起以前用過自己嘅英文名組裝過電單車嘅圖案，於是我就將呢樣嘢交到去設計師手上，佢哋接手後大讚呢個設計非常好，就係咁呢隻錶就完成咗。」