TVBuddy旅行篋係員工限定　 吳若希竟然話流口水：見到都想要

旅遊旺季的夏天又到，去旅行除了要計劃行程、準備資金和請定假外，裝備亦都唔少得。而香港不少大公司都會推出紀念品售賣，例如記事簿、原子筆、環保袋、雨傘等作為「公司福利」。TVB貴為香港地仍至中國數一數二有名的大公司，在於這方面當然是表表者。
近來TVB為了慶祝BigBigChannel成立，特別設計了「大明猩」這個新角色。唔知係咪因為高層怕「大明猩」影響到「TVBuddy」的地位。近日TVB更加落重本設計了1款2色的旅行篋，除了是可作手提上機的大小外，更可以360度旋轉，喼身更加有大大個TVBuddy圖案的花樣，真係拖住個篋上機落機都份外有優越感。全公司上上下下藝員同事出trip或者工幹都拖住TVBuddy去旅行，實在是非常溫馨貼心的舉動。就連無線歌手吳若希亦都在facebook分享這個消息，仲話「見到都想要」添！網上facebook留言，仲有TVB死忠粉絲的網友話：「以後開工指定用呢款喼！」、「可唔可以幫買？」咁話。但是都有網友表示：「香港機場9成9比人掟。」

除了TVBuddy旅行篋外，以住TVB都有提供USB快速充電器（仲可以同時5部機一齊充電）、原廠crossover 的強力手提芭蕉扇、攝錄機外型的行李牌。如果家庭主婦街市買餸怕菜檔「呃秤」的話，還有手提版電子磅及TVBuddy手袋。

想睇TVB仲有什麼日用品賣? 可以click下圖望望。

不過，如果你以為TVBuddy的周邊產品會無人問津的話就大錯特錯了。據知每逢有TVBuddy新品發售，售賣處都會出現人龍排隊訂購。其實自TVBuddy「出世」以來，無線高層一直對佢愛護有加，各大小節目，或者嘉賓到訪演員生日。傳聞早年TVB與邵氏合拍的「我愛HK」系列，部份客串的演員都收到TVBuddy公仔當做酬勞。連福山雅治到TVB時都收到激罕嘅TVBuddy公仔，在TVB內直頭比Ironman手辦更加受歡迎。
傳聞今次的旅行箱這種超實用的商品，訂購情況非常之熱烈，每位員工都需要購買一個以表示對公司的「熱愛」，實在是「一篋難求」。不過，各位都想與若希BB使用同一款旅行篋的話就真的唔不好意思了。因為以上所有商品都是TVB員工福利，只作內部認購。同TVBuddy公仔一樣，次次都會賣曬，出面冇得賣㗎。