陳嘉慧曾被爆秘戀許俊豪洩密斷正　突然劃清界線：私底下冇乜聯絡

陳嘉慧今日（6日）出席新劇《你好，我的大夫》的宣傳活動，她在接受《香港01》訪問時透露身體抱恙：「我今日有少少腸胃炎，所以你見到我都已經喺度滴晒汗。」最近有網民指她比較少出現在公眾面前，變「失蹤人口」，對此，她說：「其實我冇咩事嘅，屋企呢有啲私人事要處理，呢段時間趁未開劇，就請咗大假返咗去日本，幫屋企人處理屋企嘅，唔使擔心我仲喺度！」

談及新劇的角色，她表示：「今次我飾演嘅角色係中醫師，比較剛強，自以為是嘅角色。」至於有否經常接受中醫治療，她分享：「我平時都有睇中醫，一聽到中醫題材，我好有興趣接！」陳嘉慧與許俊豪因合作拍攝劇集《愛上我的衰神》而傳出緋聞，今次這對緋聞情侶再度合作，她就分享：「都好耐之前㗎啦喎！今次反而同佢嘅對手戲好少，私底下冇乜聯絡。」

提到有份參與的節目《日本限定Super遊》會否繼續拍攝，她表示：「要問返志偉哥，我要拍攝嘅部份已經完結，淨係拍咗一部份，自己唔知係咪已經播咗出街！」