破毒強人｜馬貫東親身上陣拍動作戲過足癮：好有滿足感

馬貫東今日（5/9）現身將軍澳電視城出席無綫熱播劇集《破毒強人》宣傳活動。馬貫東在劇中飾演「杜飛」成功搶焦，連場動作場面均是親身上陣，尤其飛躍入車廂動作更成功吸引觀眾眼球，備受讚賞。馬貫東受訪時表示：「其實拍跳入車廂呢場戲，事前武指就同我講過，開頭我以為佢講笑，點知到開機嘅時候，佢寶係要我跳入去，嗰一刻真係有啲驚嘅，可能自己冇經驗，所以前後都拍咗好多次。」

馬貫東續說：「事後完成呢場戲之後，返到屋企發覺條腰好痛，可能拍嘅時候撞落部車嘅時候整親，之後唯有用冷熱敷減低痛症，事後足足痛咗成個星期先慢慢好返。對於我嚟講呢次係一個好寶貴嘅經驗嚟，亦係我第一次成套劇冇替身下，全部動作場面由我親身上陣。雖然拍嘅時候難免會受傷，而家睇返自己嘅演出，我覺得好有滿足感。」