港姐冠軍莊子璇被加入福建社聯做監事　迅速割席：做咩都唔知

港姐冠軍莊子璇（Hilary）今日（30/8）現身尖沙咀出席港姐活動。對於近日網上流傳一張疑是祝賀公告，下款為「香港福建社團聯會九龍中 分會」， 發出人為會長王育民，內容為祝賀香港錦埔同鄉聯誼會會長莊金勝的女兒莊子璇監事榮膺香港小姐冠軍，莊子璇身世背景因此曝光。

Hilary就事件接受《香港01》訪問時表示：「首先我想講返我祖藉係福建嗰邊，而我爺爺嗰代已經嚟咗香港生活，而我由細到大都係喺香港出世同長大，而平時都有返福健探親。（爸爸係會長！）其實我就冇問爸爸佢做啲乜嘢。（話你做監事一職！）其實我都唔知，可能佢哋想安排我做呢個位，但我就覺得自己勝任唔到呢個位，因為我連做咩都唔知道，咁所以我就冇資格去做呢個位。（爸爸有冇帶過你出席同鄉會活動？）好似有去過一次喺香港嘅聚會。」