泥鯭黃心穎盛傳雙喜臨門　6號繆浩昌回應：我哋係會恭喜佢嘅

藝人黃心穎和樂隊Rubberband鼓手泥鯭，日前驚爆已入紙申請註冊結婚，盛傳兩人雙喜臨門所以黃心穎才會心急嫁人，兼搶先在前度馬國明娶湯洛雯之前做人妻。

今晚（18/8）Rubberband 主唱6號（繆浩昌）出席太古城電影首映禮，就此事接受《香港01》訪問。他說：「首先佢哋入紙呢啲開心嘢我哋係知道，同埋我哋係會恭喜佢嘅。（婚期係年尾？）呢個就等佢哋自己答。（你會唔會做兄弟先？）我要睇吓嗰陣時嘅狀態，因為我過咗二十幾歲時想做兄弟嘅時間。不過都睇到時嘅需要，可能做斟茶遞水嘅工作。」

記者追問結婚事宜，他也回答：「（佢應該喺香港大搞？）呢啲你問返佢。（傳雙喜臨門，有冇恭喜佢？）呢個，呢個都係猜測，呢個你都係問返佢自己，呢個應該係。（呢個應該係真？！）唔⋯係。（準備咗咩禮物俾佢？）未準備，可能送啲輕嘅嘢，始終我哋都係一隊清貧嘅樂隊。（送BB衫！）哈哈，唔係，呢啲遲啲先再諗。」