港姐2023｜郭珮文才藝表演唱歌 被網民批木無表情：我唔敢睇
撰文：吳子生
出版：更新：
《2023香港小姐競選》將於8月27日進行決賽，港姐官方社交網公開16位候選佳麗的才藝表演片段。16號候選佳麗郭珮文（Juliana)就大展歌喉唱出王菲經典名曲《開到荼蘼》，獲不少網民大讚唱功有料到，但亦有網民批表情欠奉，毫無投入感。
今日（18/8）候選佳麗Juliana現身銅鑼灣出席《2023香港小姐競選》宣傳造勢活動，就事件接受《香港01》訪問時表示：「點解我要揀唱歌，係因為我覺得煮嘢食同畫畫，同埋啲手工藝係好難去展示。其實我本身都識得彈鋼琴，我係有8級嘅水平，但見到身邊有好多專家喺度，加上自己十年都冇掂過係有啲擔心，心諗咁不如就咁算啦，咁所以最後就冇揀到演奏。（你有冇睇返條片？）我唔敢睇。點解我會揀呢首歌，係我見到呢首歌咁得意咪就揀嚟唱，點知唱咗之後就畀人鬧，呢網民話我搞咩呀，問我係咪出嚟搞笑，如果有得畀我返轉頭，我諗我會揀返彈琴。」