《十兄弟》10年後重拍　 27歲張曦雯做阿媽：估唔到啲仔咁大個

或者見Marvel 和DC英雄片太成功啦，科幻片題材有市，無綫亦想來分一杯羹，所以決定重拍《十兄弟》，上次拍《十兄弟》已是2004年由潘嘉德監製，Gordon同賤han還演父子，林文龍飾演陳大蝦、黎諾懿飾演千里眼。今次將會在Big Big Channel 以網劇形式播放，當年就由郭可盈當十兄弟母親，來到2017年就找來27歲張曦雯來飾演，早前還到横店拍攝預告片，她說：「第一次做媽咪，估唔到啲仔咁大個囉，10個仔其實大部份年紀大過我㗎，我90年出世㗎，但故事係神話故事嚟，無咩所謂啦，佢哋一出世就好大個，每一個都有super power！」無錯喇，就是Super power 今次無綫將《十兄弟》拍到好似X-MEN一樣，所以他們的造型都潮了，少了一陣娘味。