中年好聲音2｜戚黛黛預咗會被狠批唱功差求放過：唱得差唔好鬧

前港姐季軍戚黛黛順利晉級無綫大型歌唱選秀節目《中年好聲音2》，今日（12/8）現身將軍澳電視城出席記者會。對於順利入圍，戚黛黛在接受《香港01》訪問時表示：「其實心情係好興奮，其實唱歌真係好難㗎，而我本身只係鍾意唱歌，又唔係唱歌出身，見到身邊入咗圍嘅參賽者，大部分都係唱歌，咁所以有得同佢哋比，我已經覺得好開心，但我預咗輸，始終佢哋都好勁，咁自己唯有盡力做囉。而呢個對於我嚟講係一個心理戰，因為自己上到台係冇人會幫到自己，咁所以我而家就乜都唔理，上到台先算。」

問到承唔承受到別人嘅批評？戚黛黛表示：「明白到會有好同埋唔好嘅批評，我好希望大家畀次機會啦，我本身唔係係唱歌，只係嚟參加比賽，但我會盡力，如果唱得差唔好鬧，希望大家多多包涵。始終今次呢個比賽，我都係想挑戰自己，冇諗過要贏。」