【B1A4香港演唱會】振永表白粉絲聽唔明　燦多唱《無盡》誠意十足

開騷喇！韓國人氣組合B1A4繼昨日於上水廣場舉行記者會後，今日正式在九龍灣國際展貿中心舉行《B1A4 SPACE LIVE IN HONG KONG》，與香港的BANA們（B1A4粉絲）來個周日約會！

B1A4演唱會於晚上7時10分正式開始，成員振永、燦多、Baro、CNU（又譯：Shin woo）及孔燦以一身白西裝出場，一口氣唱出《Melancholy》及《In The Air》炒熱氣氛！

B1A4一班成員隨後用廣東話與BANA們打招呼：「大家好，我哋係B1A4！」Baro問粉絲有無想念B1A4，而孔燦就表示：「太久沒來香港了，讓我們先自我介紹。大家好，我係孔燦，我哋係咪好靚仔？」令全場BANA尖叫！振永亦講廣東話打招呼：「你哋好，我係振永，『only』你哋。」似乎連BANA們都消化不了振永的廣東話，而振永得不到預期回應亦呆一呆，原來振永想同粉絲表白「我愛你哋！」在翻譯「出口」相助後，BANA們當然熱情回應！CNU亦口甜地向BANA告白：「好掛住你哋！」而昨日在記者會上講錯自我介紹的燦多，今日就不停強調「我係燦多」非常搞笑！

B1A4亦為香港的BANA送上驚喜，Baro講到昨晚在香港品嚐美食兼睇夜境，又聽到一首歌，非常喜歡所以要唱給粉絲聽！主唱燦多就擔起重任，唱出一小段Supper Moment的《無盡》，雖然咬字未算好清晰，但勝在誠意十足，連假音部份都完美消化，成員亦不禁笑他唱別人的歌比唱自己的好！BANA大嗌encore，成員們本來說還有很多表演要送給大家，不過燦多就應粉絲要求再唱一次，全場粉絲亦齊齊和唱！
 

我們01韓迷的facebook專頁Kpop 01已經開始喇！想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/