李玟設靈｜張崇德到場致哀 回顧相識於微時感哀傷：佢對人好好
撰文：吳子生
出版：更新：
天后李玟（CoCo）於今年7月5日逝世，享年48歲。喪禮今日（31/7）於香港殯儀館設靈，讓親友作最後致哀。晚上6時許，張崇德和太太劉美娟及漢洋現身靈堂致哀。
張崇德受訪時表示：「其實我同CoCo係識於微時，大家喺歌唱比賽嘅時候認識。好記得幾年前做我哥哥嘅演唱會嘅時候，搵佢做嘉賓，我當時係估唔到佢竟然會應承。到嗰日演唱會台上，大家都有講番大家相識嘅點滴，佢仲喺台上同台下觀眾講，我哋兩兄弟係佢喺呢個圈認識最好嘅人，因為話我哋好照顧佢，但我覺得佢係對每一個人都好好，擁有一顆善心。我好多謝佢出現過呢個舞台，同埋佢喺呢個世界影響咗好多人。」