中年好聲音2｜混血顏值擔當電暈韋綺姍　IG大起底勁多爆肌靚仔相

無綫昨晚播出《中年好聲音2 100強大召集》，其中一位35歲混血參賽者，被第目組稱為「顏值之選」，就連韋綺姍見到他都即時心心眼，他就是中葡混血的古淖文（German）。

German其實是澳門歌手，09年參與亞洲電視的《亞洲星光大道》獲得第五名而出道，同屆有羅力威、亢帥克和陳蕾等，亦曾推出過兩張專輯。由於他精通中、英、葡語，所以亦不時接司儀工作，又曾參加《中國新歌聲》海選。節目上他表示評判周國豐是他參加《亞洲星光大道》時的導師，而當年的評判肥媽其實也十分提攜German，帶他去走埠登台，兩人建立深厚感情，猶如母子一樣。

German曾在訪問中表示，希望肥媽幫他搭路入TVB，當時肥媽說：「等你成熟啲先。」未知German今次參加《中年好聲音2》海選，是否有肥媽推薦呢？

而除了靚仔外，German也是大隻仔一名，他在IG個人檔案寫住自己是「Gym Addict」（健身愛好者），也常常貼健身照騷肌肉，估計隨節目播映，他會吸到一大堆女粉絲。