港姐2023｜佳麗莊子璇先拔頭籌奪得「一見鍾意佳麗」：有利有弊
撰文：吳子生
出版：更新：
無綫特備節目《2023香港小姐競選》今日（10/7）於尖沙咀五星級酒店舉行記者會，安排17位候選佳麗會晤新聞界。對於先拔頭籌奪得「一見鍾意佳麗」最高票數的15號莊子璇（Hilary)受訪時開心表示：「其實我係冇諗過自己會得到最高票數，能夠攞到呢個成績我係好喜出望外，好多謝投票俾我嘅人。不過講真，攞到呢個獎其實都有利有弊，利就係自信心係多咗，但相反我就會覺得係好大壓，會成日諗自己邊度會做得唔好，又會成日想自己有進步再做好啲。而呢排成日都訓練，變咗每日都係訓得幾個鐘，搞到而家成個黑眼圈都走咗出嚟，希望大家唔好介意。」