死有對証｜吳若希演港聞記者心情複雜：唔係好熟悉
撰文：吳子生
出版：更新：
吳若希（Jinny）今日（30/6）現身將軍澳電視城出席無綫新劇《死有對証》造型記者會。Jinny透露在新劇中飾演一名時裝記者，其後因被公司裁員，被迫轉職做港聞記者，走到最前線採訪新聞：「今次終於俾我可以做返一啲我熟悉嘅角色，但又講真呢個港聞記者角色，對我嚟講又唔係話好熟悉喎，因為同我平時成日見嘅娛樂記者係好唔同嘅風格。但我而家嘅角色係講我唔係太了解港聞記者，咁所以我主要抱住呢個唔了解港聞記者，但又了解記者行業嘅心態去做呢個角色，咁所以我個心係幾咁複雜，變咗我為呢個角色，我係花咗唔少精神同心機去揣摩呢個角色。」