非常檢控觀 |馬德鐘透露劇集下月拍畢　迎55歲生日工作中度過

視帝馬德鐘（馬神）今（20日）為新劇《非常檢控觀》拍攝，在受訪時透露劇集拍攝順暢，將在7月份內殺青。

身穿西裝上陣的馬神非常帥氣，在接受訪問時問到今日拍攝的劇情重點，他就表示是眾人尋仇戲，差不多已拍到尾聲：「我之前檢控過啲人佢哋會出返嚟，點解呢？因為我有鏡反射觸覺症，我反射到嗰個罪犯嘅病，我就開始有產生幻覺，變咗成個戲主要角色人出返晒嚟向我尋仇。（劇集幾時拍完？）7月內點都會完。（拍完有咩計劃？）四周圍走一走，搵吓食先。（登台商演？）係呀。」

而提到今個月27號是他55歲生日，有沒有慶祝計劃呢？他就表示：「應該都係工作中度過，我近年都好少慶祝生日節日嗰啲嘢，因為我係呢方面冇所謂。」另外，提到近日台灣發生的#me too事件，問到在與女演員拍親密戲時有沒有特別注意與進行溝通，他就表示：「當然會溝通，聽導演講，導演係一個好主要角色，我哋跟足導演意思去做。」