富力樓盤苦主請願 麥玲玲無辜被捲入：我從來無代言過！
撰文：鍾冠全
出版：更新：
著名玄學家麥玲玲捲入樓盤風波，一群在內地置業的小業主因與發展商出現糾紛，部分人指摘曾在2018年5月參與該樓盤活動的麥玲玲「代言詐騙樓盤」、「算錯風水地」。
麥玲玲：無為樓盤睇風水
麥玲玲回應有關指控時大嘆無辜：「唉，我從來都唔係佢哋代言人，亦都冇幫過樓盤睇風水。當時我只係接受邀請，出席樓盤嘅講座活動分享基本風水知識。其實年中我都推咗唔少商業活動，尤其地產集團嘅邀請，通常有返咁上下認受性先會考慮，即使唔係做代言人，都會儘可能了解一下公司背景，但佢哋之後嘅銷售手法我真係控制唔到。」
據悉該集團除邀請麥玲玲外，亦有其他名人及玄學家，如郭晉安、楊思琦、李丞責等參與過不同宣傳活動，而該樓盤的紛爭初步涉及用地條款，與風水無關。雖然麥玲玲無端成為「擋箭牌」，但她直言明白小業主的心情：「佢哋真金白銀買樓，收樓出現問題一定係慘，加上好難搵到發展商出來對質，投訴無門嘅心情我好理解。」麥玲玲希望內地有關部門正視問題，協助苦主解決困難，期望發展商早日與業主解決紛爭，亦表示日後會更小心選擇樓盤活動。
除麥玲玲以外其實亦有不少藝人及名人為富力出席宣傳活動：