【不懂撒嬌的女人】王浩信氹老婆有計　太太陳自瑤：為我學煎牛扒

陳自瑤到太子出席母親節活動，她提到囡囡一起床就已經講定「母親節快樂」，真係好鬼sweet。除了母親節，見到陳自瑤就會想起老公王浩信。雖然Vincent今晚有工作在身，未能一同吃飯慶祝，但Yoyo提起對方的最新作品《不懂撒嬌的女人》，就講得津津樂道：「我一直都覺得佢演技唔錯㗎！」都真係好撐老公。

除此之外，王浩信在《不》一劇裡飾演Saving，自彈自唱、買巨型日本西瓜冧唐詩詠，Yoyo笑言：「我睇嗰時都會代入角色，都會覺得佢做呢啲嘢好sweet，但係嗰啲係劇情，現實中佢都會做啲類似嘅嘢，都好sweet。」結婚已經5年，Vincent又有冇做過啲sweet嘢讓感情保溫？Yoyo說：「都有㗎，佢知道我鐘意識煮嘢食嘅男仔，就算佢煮嘢食唔係好叻，但係佢都久唔久親自會煮下大餐，我都會好感動。」Yoyo表示目前最滿意的就是Vincent煮的西餐：「佢煎牛扒都唔錯㗎！」

結婚之後有了囡囡，大家工作各有各忙，還會做些甚麼去維繫？Yoyo：「我覺得最重要係有兩個人嘅時間同空間，尤其是而家有咗小朋友，就更加需要有時間去拍下拖，我哋而家一直都有keep住有兩人世界，出去食下飯，或者去下旅行。」大家相處多年，總會發現對方的不完美，Yoyo就講了金句：「愛係要包容不同點，而唔係不停尋找相同點。」，她續道：「有時候唔一定要同對方好夾好似先係好，就算見到對方有咩唔同嘅地方，要學識去欣賞。（如果接受唔到咁點算？）咁總會有呢啲時候，但我覺得要欣賞對方嘅好，而唔會將唔好嘅地方無限放大。」就算兩人結婚多年，陳自瑤自言還有很多東西要學：「成世人流流長，總會經歷唔同階段，但係遇到嘅時候好好去面對，學習點去處理，咁先最重要。所以而家都係磨合緊㗎。」