【不懂撒嬌的女人】同林文龍床戲有尷尬 楊家寶無知名度照拍戲
在昨日播出的《不懂撒嬌的女人》中，林文龍跟一位性感女郎有一幕床上戲，雖然只係短短幾秒鐘，不過已經十分惹人暇想，皆因嗰個女郎半祼上陣呀嘛！雖然女郎只是出得幾秒鐘，不過憑住燦爛的笑容，雪白的肌膚，加埋一陣青春怡人的感覺，已經令人大呼：「正呀！」那麼究竟呢位性感女郎是何方神聖呢？原來她已經加入了TVB五年多，演過不少角色。
雖然楊家寶(Bobo)呢個名字你未必聽過，不過佢個樣你都一定會見過，至少在《愛‧回家》(第二輯)她飾演的角色Gigi應該會令人留下印象，《香港01》訪問她時，她說：「之前我係《愛‧回家2》有一個唔錯既角色叫Gigi (瑜珈老師)，周旋係張繼聰同黃翠如之間，這次得到監製的賞識，我已經覺得好感恩。」每一個角色都有它的潛力，只要用心，觀眾自然會看到你的演出。「我會珍惜每次機會，隨時作出最好準備，好似拍《我瞞結婚了》，有場潛水戲就學到好多嘢喇！」Bobo為了做好角色，每一次都好認真去做每一個角色，她說每個藝人都要長時間工作，自己當然都不例外，即使有一次碰巧開劇時病倒了，不過為了不要影響拍攝的進度，所以都要堅持拍攝下去。就是這一種態度，她繼續堅持著這一種精神，得以在一個不容易的娛樂圈繼續做下去。要知道，她是在2012年第26期無綫電視藝員訓練班畢業出來，經歷了五年的浮浮沉沉，嚴格來說根本沒有太浮過，一直在TVB做一些無關重要的角色。其實當初入行時，原來她抱著一個自少的理想踏入這個圈子，就是表演藝術，她說：「細個好鍾意唱歌，亦有音樂底子8級鋼琴。我覺得音樂真能陶冶性情，舒緩壓力，希望將來有機會可以好似我的偶像容祖兒，一圓歌手嘅夢想！」
歌手嘅偶像係Joey，自己作為演員，咁又有無演員嘅偶像呢？原來係同樣都在訓練班出來的楊怡，「好似師姐楊怡，需要努力一段時間，才慢慢令觀眾認識、留意，由1999年入訓練班，四年後拿到進步女藝員獎。更是第二位無線電視藝員訓練班出身而奪得視后的女演員。所以我都唔會咁容易氣餒！」Bobo自言就算沒有知名度，自己也是盡力拍一部好戲給觀眾，已經問心無愧。「每一部戲都不會只有主角，所有角色都係好重要，才可以湊成一齣戲！即使係一個路人甲，也有用處的。」這份想法正正代表著每一個不出名的演員心聲，他們都是全心全部想演好每一個角色，不論是主角配角閒角甚至跑龍套。對於今次在《不懂撒嬌的女人》與林文龍的床上戲，Bobo就表示有少少尷尬，但對於自己的確是一個突破和嘗試，希望第時會有更多機會去演不同類型的角色。永不放棄，堅持理想，突破自己，顯然便是Bobo在這幾年的座右銘。
下面有更多Bobo靚相。