薛影儀$50碎花裙著幾日好慳家　被指真空唔戴胸圍4字激動神回

薛影儀（阿儀）目前身在吉隆坡工作，出發前特地置裝買了幾套新衫，全部只是$30-$50不等，可見成名後她仍十分慳家。她在IG貼上自己著新衫的造型，卻遭質疑「阿儀你又唔戴bra！」對此阿儀就相當激動，以4字神回，盡顯率直真性情。

「亞視一姐」薛影儀（阿儀）日前開Post指自己買了幾套新衫，雖然她現時吸金力強，但仍然知慳識儉，自爆其中一條碎花裙只係$50，她亦似乎好鍾意呢條裙，從她的「OOTD（Outfit of the day）」中見阿儀帶埋幾條新裙去吉隆坡開工，並且已經著了幾日，其中一日她頭頂更配上粉紅色大蝴蝶結，有留言指她好似卡通人物My Melody。

按圖睇阿儀新衫同價錢：

不過，不止一位網民質疑阿儀著這條裙是否真空上陣，居然留言問她是否冇戴胸圍，而阿儀都居然親自回覆，她激動還擊：「你就冇戴！」「你去死啦！邊有呀？」個性十分率直。