麥浚龍周國賢7月開騷相熟只因夠摺　之後會搞個人演唱會

麥浚龍（Juno）今日現身中環，參與自己有份設計的飲品品牌活動，日前他宣布將與周國賢開騷，透露今次是對方主動邀請，兩人相識十幾年，相熟全因兩人夠摺夠靜。而問到個人演唱會消息，他亦表示計劃當中！

麥浚龍（Juno）一向多瓣數，除了音樂和電影，他最近就參與飲品品牌的設計工作，為品牌重新包裝，更參與場地設計工作，加入自己喜愛的「侘寂」風格。3月尾Juno在西九文化區參與音樂節，當時已有許多歌迷催他開騷，日前他終於宣布將於7月與周國賢在亞博開演唱會，指收到對方來電邀請都好開心，亦很感謝對方。兩人相識至今已十幾年，在編排、創作上都互相信任，很快已經定好演唱會主題方向和歌單。

Juno講到與周國賢的相識經過，其實是在多年前頒獎禮記招的後台，他說：「我哋兩個都係比較靜，傳媒影相嘅時候有好多歌手，我哋成日都讓大家上前，我哋就褪到好後，反而有幾年都喺Backdrop最後面成日見到對方，話『喂，又係你？』」之後他們一齊拍過旅遊節目，又合作過幾首歌曲，包括合唱歌《雷克雅未克》。

周國賢日前翻唱了Juno的《勇悍‧17》，問Juno又會否翻唱對方歌曲，他表示是秘密，但大讚對方的演繹令歌曲有不一樣感覺。講到演唱會歌單，他說自己很多歌都未公開演出過，尤其是07年之前的作品，今次他不想只將CD版重新演繹一次就算，會花心思編曲至符合兩人年紀的曲風。

演唱會消息一公布後，粉絲反應已經很好，紛紛轉發求飛，講到會否加場，Juno說自己都期待，但要留待主辦單位決定。至於粉絲常常催促的個人演唱會可有著落？Juno就說：「一路都係我想做嘅計劃，但係同一時間我又有拍攝嘅工作，等我完成咗拍攝工作，就會開始籌備個人嗰個！」

請按下圖睇更多麥浚龍活動相：