陸浩明力撐肥媽否認她「消費死人」：佢好錫Nel Nel真係出於關心
撰文：許逸本
出版：更新：
早前張學潤（Nel Nel）突傳出燒炭自殺亡的消息，好友肥媽在抖音聲嘶力竭爆指Nel Nel受財困困擾，繼而走上絕路，隨後遭另一好友羅琳駁斥，NelNel是因抑鬱症才選擇自殺，她暗指「某人」拍片蹭熱度，外界認為矛頭指向肥媽，後來肥媽刪片道歉。
肥媽好拍檔陸浩明（6號）今天（24日）出席綜藝《我要瞓鬥》的拜神活動，接受《香港01》訪問開腔力撐肥媽，對於外界有人認為肥媽是在「消費死人」，6號則認為：「每人對於身邊人離開都有唔同感覺，我覺得唔好話消唔消費，可能係嗰一下好關心身邊嘅人，講咗一啲自己嘅說話出嚟，都知道阿媽好錫Nel Nel ，佢真係好似「阿媽」既心態關心人哋，所以覺得阿媽真係出於關心。」問到肥媽現時心情如何？6號表示肥媽好硬淨：「我覺得對佢未必有好大影響，我都會好關心佢，阿媽見過同經歷過好多唔同嘅事情，所以我都係覺得佢出於關心而去表達左某啲嘢。」