周吉佩聞張學潤Nel Nel離世感震驚　曾於歌唱比賽合作：佢好專業

著名形象指導張學潤（Nel Nel）前日（18日）於內地驚傳因燒炭離世，享年59歲。與Nel Nel相識超過30年的肥媽今日（20/5）錄影無綫（TVB）節目《獎門人》時未有受訪，與肥媽同隊的《中年好聲音》冠軍周吉佩接受《香港01》訪問時，坦言未有跟肥媽談及事件，而自己參加第一個歌唱比賽時就曾與Nel Nel合作：「嗰時係Nel Nel做我形象指導，當時喺另一間電視台，亦都係當時識阿媽（肥媽）。對我嚟講，佢哋兩位都係改變咗我好多嘅前輩，聽到呢個消息好震驚。前兩日一直做緊Live直播，突然收到呢個消息都反應唔過嚟，希望大家可以盡快回復番正常嘅心情。」

在周吉佩心目中，Nel Nel是一位很專業的形象指導：「佢喺枱面見到有埋衫都可以幫你襯到好Fashion，喺我印象中，Nel Nel係一個好專業同埋幾開心嘅人。之後都好少同佢有合作機會，所以淨係得咁樣嘅印象。」