李克勤演唱會丨炎明熹成熟透視裝登場　18歲暴風成長高過聲夢奶爸

李克勤在紅館舉行「弦續李克勤．港樂演唱會」今晚將會舉行尾場。昨晚（19日）尾二一場請來《聲夢傳奇》出身的炎明熹，為曾在《聲夢傳奇》做「奶爸」的李克勤做嘉賓，另外還有不少《聲夢傳奇》的學員前來睇騷。

上月正式踏入18歲成年的炎明熹，以一身成熟裝扮出場，身材高䠷的她透視長腿！李克勤謂：「今晚有好多小朋友嚟探我，除咗中國好聲音冠軍導師，我前兩年都係第一屆星夢傳奇導師，都有個冠軍學生，最初見到佢嘅時候，只係一個16歲小妹妹，依家18 歲啦，請大家以最熱烈掌聲歡迎佢（炎明熹）。」

炎明熹升上台時，看似有一點站不穩嚇親大家。克勤續說：「你真係一日一日長大喎，點解高咗咁多，你都因住我啦，哈哈。」GiGi笑道：「你好，李生，我好開心見到你，點解咁高係因為今日著咗隻比較高嘅高踭鞋。今日裝扮未試過，有 啲成熟。 」觀眾紛紛為她打氣，並讚：「好靚呀！」之後兩人合唱《合久必婚》，然後 GiGi又特別行前去找一班來看騷的星夢學員，跟他們互動，一起唱了幾句她的歌《好想約你》。