法言人｜趙璧渝演寸嘴Coco上晒身難抽離：已經入咗我心
撰文：吳子生
出版：更新：
趙璧渝（Osanna) 今日（17/5）現身尖沙咀出席無綫劇集《法言人》慰勞宴。雖然《法言人》上星期五經已大結局，但Osanna受訪時透露依然流住劇中角色寸嘴Coco的血：「自從演咗呢個角色之後，我發覺Coco已經注咗入我個心度，同時又發覺自己有所改變咗唔同咗，就例如個髮型同造型咁，加上性格上我變得硬淨咗。以前我覺得自己唔得，但原來我係可以咁堅強，加上俾人一樣寸寸地嘅感覺又幾新鮮，感覺又幾好，搞到我好自戀，一有時間就會睇返套劇嘅自己，同埋我係會剪返自己嘅精華片段出嚟，為咗呢個角色我真係上晒身，哈哈！」
此外，Osanna早前接受訪問時透露為了追夢泣訴愧對家人：「新聞出咗之後，媽咪佢睇到晒，但佢都知道我係好乖嘅，亦知我為咗追夢，想爭氣俾佢睇嘅，而佢今次係十年嚟第一次，電視開佢就座定喺度睇，試過見到我出現咗一陣又唔見咗，佢係會追問我個劇情係點，而佢呢個反應係從來都未有過，令我好開心同好安慰。」
Osanna笑言還流住Coco的血。（葉志明攝）
同劇演員大合照。（葉志明攝）