梁超怡率先跑出入劇組　林鈺洧唔抗拒親熱戲：唔太識需要旁人指導

今天（8/5）TVB電視城舉行《2023香港小姐競選》招募記者會，找來應屆港姐三甲及友誼小姐撐場，冠軍港姐林鈺洧（Denice)接受《香港01》訪問，表示即將卸任好唔捨得，更招朋喚友務求拉大隊參加今屆香港小姐。

而同屆季軍得主梁超怡未卸任已揮低林鈺洧，率先跑出獲公司賞識入劇組拍劇，相反林鈺洧這年的工作量大多數是慈善job，難免被外界作比較，不過Denice完全唔怕外界閒言閒語，反而為梁超怡有得拍劇感到開心：「其實我好戥佢開心，佢目標好明確，一嚟選嘅時候就話想拍劇，佢咁快有工作好戥佢開心，我知道自己有任務在身，所有嘢都要等到卸任後先可以再講（有冇同公司反映過想入劇組？）有㗎，我成日喺訪問到講想拍劇，相信公司一有機會就會畀機會我。」

不過被問到會不會拍親熱戲時，Denice則支支吾吾表示唔太識需要旁人指導：「我覺得如果需要，我諗佢哋會指導下我，因為我而家都唔係好知拍劇係點樣，即係親密或者其他，我都唔知個流程係點，監製或者公司會畀啲指導我嘅。」